Hrafnhildur Hreinsdóttir
Frá blautu barnsbeini hef ég elskað bækur, lesið þær fyrir sjálfa mig, börnin mín og barnabörn. Draumurinn um að skrifa bækur hefur lifað innra með mér lengi og nú gleðst ég yfir því að sjá Gling Gló öðlast líf í texta, myndum og hljóði. Mér er annt um móðurmálið okkar og gleðst yfir því að geta aukið úrvalið af íslenskum bókum fyrir börn.
Sagan mín
Hrafnhildur Hreinsdóttir er fædd árið 1953 og á tvö börn og sex barnabörn. Hún lauk BA prófi í íslensku / bókasafnsfræði og kennslufræði. Hún lauk svo meistaranámi frá Háskólanum í Kaupmannahöfn með áherslu á þekkingarstjórnun. Hrafnhildur hefur unnið í textagerð, aðallega fyrir vefinn, en einnig haft umsjón með útgáfu tímarita um árabil. Þá hafði hún umsjón með barnaefninu Söguhorninu sem sjónvarpið sýndi á árum áður.
Fjölbreytt störf
Hrafnhildur hefur komið víða við í atvinnulífinu, vann á sumrin sem sundlaugarvörður og í sjoppu. Síðan í bókabúðum og sem flugfreyja með námi. Þá starfaði hún hjá Sjónvarpinu, Stöð-2 og í Þinghólsskóla sem kennari og bókasafnsfræðingur. Árið 1995 lá leiðin til Símans, þar sem hún vann lengst af sem fræðslustjóri og mannauðsráðgjafi. Síðustu 13 ár vann hún sem skrifstofustjóri hjá Félagi löggiltra endurskoðenda.
Bækurnar um Gling Gló
Bækurnar fjalla um Gling Gló sem fer öðru hvoru til ömmu í pössun. Þar leikur hún sér við Óbó sem býr í blokkinni hennar ömmu. Amma er hjátrúarfull og þegar hún hendir fram einhverri staðhæfingu sem byggist á hjátrú, þá gerist eitthvað í lífi barnanna sem trúa því sem amma segir. Fyrstu bækurnar komu út fyrir jólin 2022. Bækurnar eru ætlaðar breiðum aldurshópi eða frá 4 - 10 ára og ættu að höfða til allra barna.
Gling Gló og spegillinn
Gling Gló og spegillinn er fyrsta bókin og segir frá því þegar börnin brjóta spegil og amma segir það boða sjö ára ógæfu.
Gling Gló og regnhlífin
Gling Gló og regnhlífin er önnur bókin og fjallar um það þegar hún spennir upp regnhlíf innandyra sem amma segir geta vera fyrir vondu.
Hljóðbækurnar um Gling Gló mættar á helstu streymisveitur
Nú geta stórir sem smáir aðdáendur Gling Gló glaðst yfir því að hljóðbækurnar um Gling Gló, Óbó og ömmuna á streymisveitunni eru aðgengilegar á Spotify, Storytel og Youtube. Hugmyndin er sú að hægt sé að spila fyrir börnin við hin ýmsu tilefni t.d. áður en farið er að sofa.